نبذه عن الشاعر تركي الميزاني وبعض قصائده

ظاهرة الشعر
(( تركي بن عطا الله الميزاني ))

الشاعر اللذي قلب الطاولة على كبار شعراء المحاورة فأصبح المطلب الأول لمكاتب الشعراء
و أصحاب الحفلات ومحبي المحاورة ..فـ بقوة لفظة و جمال شعره وحسن خلقه استطاع من خلال
استفتاء على شعراء المحاورة بالتعاون مع مكاتب الشعراء بمناطق المملكة الغربية
والشرقية والوسطى والشمالية والجنوبية في مجلة فواصل ونشرت ذلك في عددها رقم 14
الصادر بتاريخ 15اكتوبر الماضي 2004 م ..
و ركز الأستبيان على الشعراء الأكثر طلباً وتفوق الشاعر ( تركي 2000) وفاق الجميع
بثمان نقاط , كما شمل كذلك الحفلات الأكثر مبيعاً .
وهذا دليل واضح على مدى شعبية شاعرنا الشاعر تركي الميزاني اللذي لن ينتهي الكلام
لو تحدثنا عن موهبته .. و لكن لندع موهبته تتحدث عن نفسها ...
ـــــــــــــــــــــــ

شاعرنا:هو الشاعر الفذ وصاحب الصوت الشجي والقوة البارعه في نظم القوافي والسيل الجارف من المعاني والصور يضاهي أبرع الشعراء في المحاوره ان لم يكن أبرعهم في الوقت الحاضر حتى أصبح له جمهور من المحيط الى المحيط من محبي شعر القلطه التي لا يستغني عنها أبناء الباديه في مناسباتهم السعيده......

وفي الأستبيان الذي اجرته مجلة فواصل على اكثر الشعراء طلبا وشمل الأستفتاء شعراء المحاورة مثل مستور العصيمي ورشيد الزلامي وصياف الحربي وفلاح القرقاح وسلطان الهاجري وفيصل الرياحي وحبيب العازمي وعبدالله بن شايق وسعيد المري وسعود المالكي وعطيه السوطاني وصالح اللخمي وضيف الله العمري وسعيد بن هضبان وعلى السالمي وعلي الشمراني وصالح بن عزيز وعبدالله البيضان وعيظه بن طوير وعبد الواحد الزهراني ومحمد بن حوقان ومحمد القويماني وملفي المورقي .
وتفوق الشاعر ( تركي 2000) وفاق الجميع بثمان نقاط , كما شمل كذلك الحفلات الأكثر مبيعاً (الكلام هذا في عام 2002) اما الأن فقد تعدى بمراحل كبيره

إذا شاعرنا هو:

تركي عطالله بن شامان بن سميليل القحم الميزاني العوني العبدلي المطيري(تركي2000)....

نشأته:ترعرع ونشأ في الجياسر منطقة تتبع لثرب و ثرب والجياسر يقعان شرق مهد الذهب ب 150كلم تقريبا...وخواله من السماليل من القحومه....وله من الأخوة 8 أفراد وأبيه متزوج من أثنتين ,

متى بدأ الشعر؟؟؟

بدأ الشعر وعمره 13 عاماً....

من شجعه؟؟
وجد شاعرنا الفذ تشجيعا قويا من أبيه لقرض الشعر والمشاركه في المحاوره فأبيه وجده شعار فهو من بيت شعر ...

يسكن شاعرنا في الرياض في حي أشبيليه وله بيت أيضاً في جده...

سبب التسميه بتركي2000

سئل تركي عن سبب تسميته بهذا الأسم فقال: ان سبب ذلك انه كانت بداياتي في المنطقة الغربية عام 2000 وغنيت موال اسمه ((العام عام الفين والله يحييه))

وقد اورد تركي في حديثه لمجلة فواصل هذي الابيات التي كانت بينه وبين الشاعر/فيصل الرياحي البقمي في بداياته

حيث قال فيصل:
الهدية من المطران شاعر جديد********والهدايا القديمة تجلس أحسن لها0

فرد عليه تركي:
الهدية من المطران سيفن حديد*******وانت مالك سيوف تقوم وتسلها0

شاعرنا يحمل شاهدة ثانويه ومنتسب لجامعة الملك عبدالعزيز بجده

لماذا شارك شاعرنا في شاعر المليون؟؟؟
لأنه يريد مزيداً من الأنتشار في العالم العربي واللقب وإلا شاعرنا عنده خير...

من يحب ان يقابل تركي في المحاوره؟؟تركي يحب ان يقابل في المحاوره (الرياحي والمورقي ومستور العصيمي ,والقرقاح)

ومع ان شاعرنا من محبي الشعر و جدوله ملأن بالمواعيد فلم يترك الأصاله وإرث الأجداد فقد إتخذ له ذودا من الإبل وقد انزلها الأرطاويه وكلها مغاتير...
~~~~~~{{{ مسيرة بطل}}}~~~~~~~~

يافالق الصبح يامولج نهارك بليل --- ياجامع الناس في يوم البعث و النشور

عليك كل إتكالي وأنت نعم الوكيل --- يا عالم بالمصير و ماتكن الصدور

يالله يالله تهديني سواء السبيل --- و تعصم لساني عن الزله وعن كل زور

الشعر موقف وحده مثل حد الصقيل --- لو كان كتله من احساس البشر والشعور

ياما رقابي ورقيته براس الطويل --- وياما سبح بي بحور وغصت به في بحور

وانا ليا حان ميقافي قبست الفتيل --- و اوقدت من نار فكري للمسافات نور

واليوم لاهنت ياشعري مايخدم بخيل --- مادام سلحتك الافكار مانت معذور

قدمك من العز مايروي ظما كل جيل --- سوالفه تزرع الامجاد في كل بور

وقدمك لميع الهنادي والقنا والصقيل --- وقدمك من المجد ماترويه كل العصور

مسافته عز ماتنقاس كيلو وميل --- بركانها ماخمد وامجادها ماتبور

ياموكب الشعر وقف واستمع لي قليل --- حتى اني اعطيك للتاريخ رخصة عبور

سيرة بطل ماتغيبها حكاية رحيل --- تبقى بوجه الزمن كالنحت فوق الصخور

ماكانت ارض الجزيرة قبل ذاك الاصيل --- إلاتفكك عقيدة وانحدار ودبور

نهارها كم قتيل وليلها كم قتيل --- جنايزٍ مالهافوق البسيطة قبور

قويهم سلطته تسلب حقوق الذليل --- وشيطانهم ساد والظلم انتشر والفجور

وكلٍ لخصمه من اصناف العداوة يكيل -- وصدورهم من جهلهم فالمعاصي تفور

مال الاْمن شجرةٍ فيها مقر ومقيل --- ولابينهم للمودة في الجزيرة جسور

هذا قبل هيت تخطيها عيون الدليل --- وهذاقبل سطوة القرم العزوم الصبور

النادر اللي على العارض يهيم ويخيل -- من يوم عمره عشر شوره غلب كل شور

من قو باسه صنع ممكن من المستحيل ---- ومن طيب راسه يحل معقدات الامور

زهابه الصدق والاخلاص حمل الصميل ---- وسلاحه الدين والتقوى سلاح الغيور

جمَع شتات القبايل لين صارو فصيل ---- واخوان عقب التناحر والجفا والشرور

وحكم بشرع الكتاب اللي ماغيره بديل --- وعم الفرح فالبلاد وساد كل السرور

لامال ميزان غيره مايحيد ويميل ---- في سطوته ينكسر راس الجهل والغرور

شخصيته مالها في كل جيله مثيل ---- تجف الاقلام وبمدحه تضيق السطور

والله ليبطن ماجابن ناقضات الجديل --- مثله ولااقول في كل النشامى قصور

ويالله يامستجيب للدعاء ياجليل --- من عبدك اللي لك مطيع وذليل وشكور

ترسل على قبر ابو تركي صدوق المخيل-- وسمٍ يساقيه من غر السحاب البكور

وتهل فوقه بسيل مايلاديه سيل ---- وترحم عظامه وتغفر زلته ياغفور

وتجمع به المصطفى في جنتك والخليل --- وتحفظ عياله مواكير الحرار الصقور

وإنك تجمل وتهديني سواء السبيل --- وتعصم لساني عن الزله وعن كل زورٍِِ

~~~~{{{الغزل}}}~~~~

ياصاحبي واللي خلق نعمة السمع == إنك هنا بين المعاليق ثابت

ماجيتلك صدفة ولاجيتلي رمع == وإن غبت عني فرحتي معك غابت

غيري عبث فالحب بسياسة القمع == لكن لا ودت ولا يوم جابت

إلا محبك من عشق يحسن الجمع == ماشاب حبه لوقوى فيه شابت

والدمع هذا اللي تشوفه مهو دمع == اشعلت عيني لاجل اشوفك وذابت

واللي نزل منها على خدي الشمع == ارقد مدام الشوق فالقلب نابت

~~~~{{{الحكمة}}}~~~~

الحياة افراح واحزان ودروس وعبر === والتجارب صفحة ايامنا وكتابها

مهما زاد الشخص في المال والعز وكبر === وأهدته شهوات نفسه جديد ثيابها

وبرقت له زيف الايام وأغرته وعبر === المصير أرضه يلحف عليه ترابها

والمصايب حملها سم ودواه الصبر === ورحمة الله دون خلقه ماسكر بابها

وعن حياة الآدمي شيمته تبعد شبر == وإن فقد من شيمته شي نفسه عابها

وانقبر في العيب لو ماتوفى وانقبر == والحياة اللي بها نقص مانرضابها

::::::::::::::::الشوق::::::::::::::::::::

يا بنت انا قلبي من البعد محروق == لاتحسبين اني قطعت العلاقه
محبتك فالقلب وابراجها فوق == تشيل صوت اسمك وحلم الصداقه
محبه ما شالها كل مخلوق == وبطاقه ياحيها من بطاقه
يسوقني طاريك لمشاهدك سوق == واشفق على لمسةيدينك شفاقة
زرعت لك زرعثمار وعروق == وقدمت لك زهرة العمر باقه
والصبر زين وكل مطرود ملحوق == وشرهة قدم رجلي على عظم ساقه
وان كان عندك شك لا ناشك العوق == في قلبي اللي لك يزيد اشتياقه
الشوق مشتاق لك اكثر من الشوق == شوق بدوي ضاعت اغلى نياقه
واليكم هذه المحاوره :

تركي:

تعال يالشاعر القرقاح لاتسري=الليل بدري مثلك لاسرا بدري
انا طرالي علوم اجداد في صدري =والراس مرفوع والرايات مرفوعه

ابسري علي القرقاح وبليس ملعون =لو انه يصيح ويزهم اعيال ريفه
وابا اطلع اجنانه ليا صار مجنون=وهاذي وقايع والخواطر نضيفه

القرقاح:

اذهن ترا ريفه اللي قلتها جده =الله يغفر لها ماتت قبل مده
وعرفت وبعض العرب محدن عرف جده =والراس مرفوع والرايات مرفوعه

ترنا هل الطالات والناس يدرون=مابين العرب مثل الجبال المنيفه
تغلب عصا موسي علي سحر فرعون =واضن الخليفه مالقوله خليفه

تركي:

انا ابن عباد هذا اسمي واسم جدي=ولا انت حضك مع الايام متردي
ومن اسم جددتك متعشي ومتغدي=والراس مرفوع والرايات مرفوعه

تقولون ولا ياعرب ماتقولون=نعرف الحمول ثقال ولا خفيفه
طوينا حزوم الارض فالعسر والهون =ولا همنا راعي العيون الكثيفه

القرقاح:

ملاسمع تبع ونتا حضرت التابع=خل ابن عباد منهو جدك الرابع
ترا ابن عباد لا سادس ولاسابع =والراس مرفوع والرايات مرفوعه

ياتركي لو اموالك مثل مال قرون=الاموال تنقص والمسافه كليفه
كثير العرب ركب علي راسه قرون=وهو من حلال الزاد ماشبع ضيفه

تركي :

جدي سميلي لراعي العرف والطاله=وحنا ليا جا نهار الخيل خياله
ياقرب منزالك ويابعد منزاله=والراس مرفوع والرايات مرفوعه

انا مقتني ولا انت فالناس مديون=تذكر تذكر فاليالي المخيييفه
عليك الحنايا والناس يشوفون=وهذي وضيفتكم ياراعي الوظيفه

القرقاح:

جدك سماله محدن يعرفه غيرك=ونا اشهد انه افعولك وسارك
ياللي تجر اللحن والعجه اتديرك=والراس مرفوع والرايات مرفوعه

زمانن مضا روحت مغبون=عسالله يعز اهل الفعول الطريفه
ياللفين من اللي شال منك الشطرطون=وخلاك تسبق لافحات السفيفه

تركي:

جدي فعوله علي التاريخ مكتوبه=والبيت بانيه طوبه فوقها طوبه
انشدك جدك من اللي سالبن ثوبه =والراس مرفوع والرايات مرفوعه

زمانن راسك علي النفد مدفون=ياوادي لبن عينت وادي حنيفه
اظنك عن الدنيا مكرتن بكرتون=ياليت القطيفي مايفارق قطيفه

القرقاح:

ان جات لفعول جدانك جداني =لاترفع الصوت عندي وانت ميزاني
جدي فعوله تنومس كل قحطاني =والراس مرفوع والرايات مرفوعه

ياومن العرب في نجد طاعن ومطعون=قالعنا مداكم فالسيوف الرهيفه
مادام الخبل متجود فالدركسون=عزالله قدا الحنتور شيفته شيفه

تركي:

اهل الاسامي نميزها بساميها =والخيل ماتصلح اللي عند راعيها
ولا انت مالك فعول تضدنا فيها =والراس مرفوع والرايات مرفوعه
:::::الخلطه السريه:::::::
ياعذابي منـك ياموتـي ويـا حرمانـي
زابنـك بالله تخفـفعنـي اللـي فيـه
من عذابي وشهو اللـي باقـي ماجانـي
في عيوني من عذابـكصايـر ماريـه
وانت تعـرف كـل ماتحتاجنـي تلقانـي
يشهـدالله عنـك ماتـقـدرتشحيـديـه
بـس تكفـي لاتعذبـنـي ولاتنسـانـي
ضمني يانور عيني فـي حشـاكشويـه
كـل ماشفتـك تدخلنـي بعالـم ثـانـي
عين تنظر لك بشـر والثانيـهحوريـه
فيك شيطان الهـوى ياسيـدي وصاتـي
يالغـلا والولـف والتقديـروالحنـيـه
والقيـده اليـا بغيتـه فيـك مايعصانـي
يتباشر في وصـوف عيونـكالسحريـه
ياوجودي لـو اشوفـك يابعـد خلانـي
يشهد الله لحذف الغتـره مـعالطاقيـه
كيف انا المجني عليه وكيف صرت الجاني
لعنبو حظك ضبطـت الخلطـهالسريـه
لين من حبك ومن طيشك نسيت اخوانـي
صرت اجـي واروح لاهـاذي ولاهذيـه
والهوى هو حاكم شعوري وهو سلطاني
لاحصل لـي منـه لارحمـه ولا ماويـه
اشهد انـه راح فيهـا تركـي الميزانـي
ومن يكذبني يعـرف الخلطـه السريـه

::::وبعدها هذي القصيده:::
فاح عطر القصيد وغردن الفرايد

..........................من ضميرٍ على بدع المثايل رهاوي

وشلعن من غصون الشعر ندر القصايد

............................شردن ما يروضهن قريب الهقاوي

وأستوت طبخة المعنى بجمر الوقايد

....................... لين ذيب القصيد من الوله جاك عاوي

حالف أني لعلقها قلايد قلايد

..........................لان ما عاد تطلع من ذهن كل راوي

وكان ما رضيت راعي الموهبه والمحايد

..........................والله أني لصير عن القصايد نحاوي

أعشق الشعر وآخذ من سنيني فوايد

..........................واتزود وانا اللي ما قطعت الرجاوي

جعل يومٍ جمعنا في الإمارات عايد

...............................دولة ما حكمها غير حر نداوي

لين صار الأمن والعز والخير سايد

..........................ومن يجيها فقير يروح منها غناوي

أعشق ترابها واحبها حب زايد

...........................ودي اروح عنها مير ماني بقاوي

املكتني وانا قلبي من الحب جايد

............................وحبها ما يداويه الطبيب المداوي

ودعت قايد غالي وفرحت بقايد

.......................عنده اكبر مصيبه مثل شرب القهاوي

وله عضيد على هامات الأمجاد رايد

......................منهو اللي براع المجد والطيب غاوي

سِعد منهو تعزوى به نهار الشدايد

.......................يوم فعل الشجاع يبين وقت العزاوي

وانا من دولةٍ فيها وساع البنايد

..........................دولة الآ السعود مزبنين الجلاوي

وشـــــــــــــكــــــــــــــــــــــــرا

الشكر لك يالغلا

يعطيك العافيه يا ميسااااء

نبذه عن الشاعر تركي الميزاني وبعض قصائده 560654192

no4و متعبهم
كلما رايت ردودكم لي
في جميع مواضيعي زدت عشقا
لسكب كل ما املك
بكم لبس هذا المنتدى ثوب الربيع
ان كان احدكم هواء هذا المنتدى
فالآخر هو سماءه الذي يحلق به الابداع

سأكون نهرا يرتوي منه كل من في المنتدى

شكرا لكما

كلمات راقت لي كثيراً يسلمو
وطرح في قمت الابداع

نبذه عن الشاعر تركي الميزاني وبعض قصائده 695455502

أشكرك رموووز على مرورك

» نبذه عن الشاعر سعد علوش وبعض قصائده